Terug na Tuisblad

Klein Kata sterf aan kanker

Kata Byleveld (5) is omstreeks 11:00 Sondagoggend in haar ouerhuis op Oudtshoorn oorlede.

Sy is in Mei verlede jaar gediagnoseer met neuroblastoma en het in November 'n beenmurgoorplanting ondergaan. Sy het so goed herstel dat haar ouers selfs aansoek gedoen het dat sy in Julie vanjaar by die Laerskool Wesbank se gr.R-klassie sou aansluit.

Sowat 10 dae gelede het sy egter weer begin kla van beenpyn. Sy is Kaapstad toe geneem om die dokters se mening te kry. Sy is dadelik weer in die Rooi Kruis-kinderhospitaal opgeneem, waar dokters bevind het haar toestand is onomkeerbaar. Sy is huis toe gebring waar sy die laaste drie dae van haar lewe konstant onder verdowing was.

Haar ouers, mnr. Mannetjies en mev. Lizelle Byleveld, wil graag almal wat die gesin deur gebed en fondsinsameling ondersteun het, bedank.

Kata word Woensdagoggend om 10:00 vanuit die NG Kerk Moedergemeente begrawe.

31 March 2008

Terug na Tuisblad

Na Bo

Na Bo